काठमाडौं/नेकपा (एकीकृत समाजवादी पार्टी) का सांसद प्रेमबहादुर आले मगर र नेपाली कांग्रेसकी सांसद माया राईले आज पद तथा गोपनीयताको शपथ लिएका छन्।
आज दिउँसो सिंहदरबारस्थित संघीय संसद सचिवालय, कानुन समितिको हलमा प्रतिनिधिसभाका जेष्ठ सदस्य पशुपति शमसेर जबराले उनीहरूलई शपथग्रहण गराएका हुन्।
सांसद आलेको आमाको निधन भएपछि शपथ लिन पाएका थिएनन्। त्यस्तै, सांसद राई सुत्केरी भएपछि शपथ लिन पाएकी थिइनन्। यसअघि पुस ८ गते महेन्द्र राय यादव र राजकुमार राईले शपथ लिएका थिए।
