काठमाडौं — त्रिपुरेश्वरस्थित राहदानी विभाग परिसर अगाडि एक पुरुषले आफैँलाई आगो लगाउने प्रयास गरेका छन्।
जिल्ला प्रहरी परिसर काठमाडौंका अनुसार ती पुरुषले ज्वलनशील पदार्थ प्रयोग गरी उक्त प्रयास गरेका थिए। घटनालगत्तै सुरक्षाकर्मी र स्थानीयले उनको उद्धार गरी उपचारका लागि वीर अस्पताल पठाएका छन्।
प्रहरीले घाइतेको अवस्था, परिचय तथा घटनाको कारणबारे अनुसन्धान गरिरहेको जनाएको छ।
घटनापछि राहदानी विभाग परिसरमा केहीबेर चहलपहल बढेको थियो। प्रहरीले घटनासम्बन्धी थप विवरण संकलन गर्ने काम जारी रहेको जनाएको छ.
