धुलिखेल÷नेकपा एकीकृत समाजवादीका प्रदेश सभासद् लक्ष्मण लम्सालको पहलमा धुलिखेल नगरपालिका –५, श्रीखण्डपुरस्थित् भैरवमन्दिरदेखि फुटसल मार्गको पिच तथा ढलान गर्ने अन्तिम तयारी भईरहेको जानकारी उपभोक्ता समितिका अध्यक्ष उत्तम अधिकारीले दिनुभयो । सो पिच तथा ढलानका लागि रु.२० लाख विनियोजन भएको र उपभोक्ता समिति मार्फत धमाधम काम भइरहेको छ । बजेट विनियोजन गरी जनपक्षीय काम गर्नु भएकोमा प्रदेश सभासद् लक्ष्मण लम्साललाई स्थानीयले धन्यवाद दिएका छन् ।
डुकुढल निर्माणलागि बजेट अभाव
यसैगरी धुलिखेल नगरपालिका –५, श्रीखण्डपुरस्थित् डुकुढल निर्माणका लागि वडाको विशेष अनुदानबाट ३ लाख २९ हजार र प्रदेश सरकारबाट २० लाख बजेट विनियोजन भएको छ । २१० मीटर डुकुढल निर्माण हुनुृपर्नेमा २५ मिटर वडाको बजेटबाट र १२५ मीटर प्रदेशको बजेटबाट निर्माण भईरहेको र ६० मिटरको लागि बजेट अपुग भएको उपभोक्ता समितिका सचिव हरिगोपाल प्रधानाङ्गले जानकारी दिनुभयो ।
