दोलालघाट/लोकतान्त्रिक वाम गठबन्धनको दोलालघाटबाट भुम्लु गाउँपालिकामा निर्वाचन अभियान सुरु भएको छ । दोलालघाटमा प्रत्यक्ष र समानुपातिक उम्मेदवारलाई स्थानीय नेता कार्यकर्ताले विजयीको शुभकामना दिएर भुम्लु गाउँपालिकाको अभियान सुरु भएको हो । नेकपा एकिकृत समाजवादी केन्द्रीय सदस्य विदुर सापकोटाको नेतृत्वमा वामपन्थी नेता गोविन्दनाथ उप्रेती, प्रतिनिधि सभा निर्वाचन क्षेत्र नम्बर २ का उम्मेदवार शिवप्रसाद हुमागाईं, प्रदेशसभा १ का उम्मेदवार लक्ष्मण लम्साल सहभागी रहेका छन् । त्यस्तै समानुपातिक उम्मेदवारहरु रूकु चौलागाईं, कल्पना श्रेष्ठ र मिना तामाङ सहभागी छन् ।
गठबन्धन दलका स्थानीय नेता र कार्यकताहरु सहभागी रहेको अभियान टोलीलाई दोलालघाटका स्थानीयले टिका, माला लगाई दिएर स्वागत गरेका थिए । अभियान सुरु भएर १ नम्बर वडा सापिङमा पुगेको छ । वडा नम्बर १ सापिङमा शुभकामना आदानप्रदान तथा अन्तरक्रिया कार्यक्रम भइरहेको छ। कार्यक्रममा सापिङका वडावासि मतदाताको बाक्लो उपस्थित रहेको छ। गठबंधनकाको सो कार्यक्रममालाई थप सहयोग गर्न कोशिपारिका बामपन्थी पुराना नेता गोबिन्द नाथ उप्रेतीको पनि उपस्थित रहेको छ।
