भुम्लु।आज गठबन्धनको १ नम्बर वडामा घरदैलो अभियान सञ्चालन भइरहेको छ। अभियानमा गठबन्धनका नेता कार्यकर्ताको उपस्थित थियो। वडा तहमा रहेका समस्या र गुनासो सुन्ने र अन्तर्क्रिया कार्यक्रममा पनि उतिकै सहभागिता रहेको देखिन्छ।
एक नम्बर वडाका जनताले केहि गुनासो र समस्या राखेका थिए। गाउँमा सडकको स्थिती राम्रो नभएको र स्तरोन्नति गरि सहज बनाई दिन अनुरोध गरेका थिए। साथै स्वास्थ्य संस्थामा औषधि अभाव हुँदा समस्यामा परेको गुनासो गरेका छन्।
बाम लोकतान्त्रिक गठबन्धनका अध्यक्षका उम्मेदवार प्रेमबहादुर भुजेल बृहतले जनतालाई आश्वस्त पार्दै भन्नुभयो–गठबन्धनले जितेपछि वडाका समस्या पहिचान गरी शीघ्र समस्या समाधानको उपाय खोजिने छ। हामी काम गर्न सक्ने छौ किनभने हामीलाई कङ्ग्रेस र एकीकृत समाजबादी का नेताहरु साथ र सहयोग रहेको छ।
भूम्लुको बिकासमा कटिबद्ध रहेको बताउँदै उपाध्यक्षका उम्मेदवार दावा लामाले हामीलाई समस्याको जानकारी दिनुभयो भने सबै बिषयहरु समेटेर अगाडि बढ्ने प्रतिवद्धता जनाएर जनतालाई आश्वस्त पार्नु भएको थियो।
