पनौती / काभ्रेको पनौती नगरपालिका वडा नं. २ मा रहेको कुशादेवि मा.वि.का छात्राहरुले आफूहरुलाई विद्यालयका शिक्षकले यौन दुर्व्यवहार गरेको भनि विद्यालयमा उजुरी दिएको ६ दिन पछि विद्यालयले प्रहरीकोमा जाहेरी दर्ता गरेको छ ।
विद्यालयका सहायक प्रधानाध्यापक तथा गणित शिक्षक छविरमण गौतमले पटक पटक विभिन्न बहानामा यौन दुर्व्यवहार गदै आएको भनि कक्षा १० मा पढ्ने १० जना छात्राहरुले विद्यालय व्यपस्थापन समितिलाई सामुहिक ध्यानाकर्षण पत्र बुझाएका थिए ।
उजुरी परेपछि पनि विद्यालयले प्रहरीमा उजुरी दिन नगएपछि हिजो मंगलबार पनौती वडा नं. २ को कार्यालयमा स्थानीय अभिभावक, बुद्धिजीवी, नागरिक समाज, विभिन्न विद्यार्थीहरुको संघ-संगठन एवं शुभचिन्तकहरुको चर्को दबाबपछि विद्यालयले छैठौ दिनमा प्रहरीकोमा किटानी जाहेरी दिएको छ ।
विद्यालयको कोठाभित्रै यौन दुर्ब्यवहारको आरोप लागेका पनौती नगरपालिका वडा नम्बर २ मा रहेको कुशादेवी माध्यामिक विद्यालयका शिक्षक छविरमण गौतम विरुद्ध किटानी जाहेरी दर्ता आएको ईलाका प्रहरी कार्यालय बनेपकाका डिएस्पी रेशम बोहराले स्वीकार्नुभयो ।
विद्यालयका प्रधानाध्यापक, विब्यसका पदाधिकारी सहितको रोहबरमा ११ जना छात्राले किटानी जाहेरी दिएको उनले बताए । जाहेरी दर्ता भईसगै आवश्यक कानुनी प्रक्रिया अघि बढिसकेको डिएस्पी बोहराले जानकारी दिए ।
घटना भएको चौथो दिनमा मात्रै पनौती नगरपाकिलालाई र शिक्षा शाखामा विद्यालयले लिखित जानकारी आएको नगर प्रमुख रामशरण भण्डारीले जानकारी दिए । घटनाको गम्भिर विषयप्रति ध्यानाकर्षण भएको भन्दै शिक्षण सेवा जस्तो पवित्र संस्थामा कार्यरत शिक्षकबाट वालवालिकाहरुको भावनामा ठेस पुग्नेगरी हुने त्यस्ता कार्यहरु निन्दनीय तथा भर्त्सना योग्य भएको उनले बताए ।
तत्काल नगरपालिकाले कानुनी दायरमा ल्याउन भनि आवश्यक कानुनी प्रक्रियाको लागि जिल्ला प्रशासन कार्यालय काभ्रेपलाञ्चोकमा र इलाका प्रहरी कार्यालय बनेपामा विद्यालयबाट प्राप्त भएको सम्पूर्ण कागजातहरु संलग्न गरी पठाइ सकिएको नगर प्रमुख भण्डारीले जानकारी दिए ।
