मण्डनदेउपुर । नेकपा (माओवादी केन्द्र)मण्डनदेउपुर नगरपालिकाको तेश्रो अधिबेशन संपन्न भएको छ । अधिवेशनबाट राज तामाङको अध्यक्षतामा ४५ सदस्यीय पालिका कमिटी गठन गरेको छ ।
कमिटीको उपाध्यक्ष ईश्वर ढकाल, रोहित मोक्तान र उद्धब बस्नेत रहेका छन् भने सचिवमा महेन्द्र सापकोटा, सह–सचिवमा देवेन्द्र सापकोटा र कोषाध्यक्ष रचना बरिया रहेका छन् । निरञ्जन विष्ट(दिप)को अध्यक्षता र गोकुल डोटेलको सञ्चालनमा भएको कार्यक्रममा नेकपा (माओवादी केन्द्र) का केन्द्रिय सदस्य एवं विश्लेषक डिपि ढकाल, काभ्रे जिल्ला संयोजक भोला अर्याल, बागमती प्रदेश कमिटी सदस्य एवं नगर ईञ्चार्ज ध्रुव काफ्ले, प्रदेश कमिटी सदस्य नारायण बानियाँ(दिपेश) र प्रेस सेन्टर नेपालका बागमती प्रदेश समितिका अध्यक्ष यदुनाथ गौतम(देउपुरे) लगायतका अतिथिहरुको उपस्थिति रहेको थियो ।
कार्यक्रममा वाईसिएल नेपालका केन्द्रिय सचिव एवं जनकलाकार नविन खड्काले गीत प्रस्तुत गरेका थिए ।
