काभ्रे । काभ्रेमा १३ वटा स्थानिय तहमा १ सय ३५ वडा मध्ये १६ वडाको मत परिणाम सार्वजनिक भएको छ । बिहान १० बजेसम्म सार्वजनिक भएको मतपरिणाममा हालसम्म काभ्रेमा नेपाली काग्रेसले ५ वटा वडा जितेको छ । नेपाली काग्रेसको तर्फबाट बनेपा वडा नं. २, धुलिखेल १, भुम्लु २, बेथानचोक १ र मण्डन २ मा काग्रेसको तर्फबाट वडा अध्यक्ष जितेको छ ।
यसैगरी एमालेबाट काभ्रेमा ७ जना वडा अध्यक्ष जितेको छ । एमालेले धुलिखेल २ र ३, मण्डन १, बनेपा १, पनौती २, रोशी १ र भुम्लु ३ मा एमालेको तर्फबाट वडा अध्यक्ष जितेको छ । यस्तै माओवादीले ३ वटा वडा अध्यक्ष जितेको छ । माओवादीले भुम्लु १, खानीखोला १ र महाभारत १ मा माओवादीको तर्फबाट वडा अध्यक्ष जितेको छ भने नमोबुद्ध १ मा स्वतन्त्रबाट वडा अध्यक्ष जितेको छ ।
काभ्रेमा १ सय ३५ वडा मध्ये हाल पनि १६ वडाको मतगणना सकिएको छ भने अरु मतगणना जारी रहेको मृख्य निर्वाचन कार्यालय धुलिखेल जनाएको छ । यति बेला मतगणना गर्ने काम जारी रहेको छ ।
