बनेपा/एकीकृत अखिल नेपाल शिक्षक संगठन जिल्ला कार्यसमिति काभ्रेको आयोजनामा बडा दशै तथा शुभ दिपावलीको अवसरमा शुभकामना आदानप्रदान तथा चियापान र प्रशिक्षणत्मक कार्यक्रम बनेपामा सम्पन्न भएको छ । आइतबार एक कार्यक्रमको आयोजना गरी शुभकामना आदानप्रदान तथा चियापान कार्यक्रमको आयोजना गरिएको हो ।
एकीकृत अखिल नेपाल शिक्षक संगठन जिल्ला कार्यसमिति काभ्रेक अध्यक्ष चेतबहादुर लामाको अध्यक्षतामा भएको कार्यक्रममा प्रमुख अतिथि नेकपा माओवादी केन्द्रका नेता एवमर सांसद माधव सापकोटा रहनुभएको थियो । प्रमुख अतिथिको आसनबाट बोल्दै सापकोटाले आउदै गरेको दशैंले सबैको घरघरमा खुसी ल्याएर सुखमय तरिकाले हर्सोउल्लासका साथ बेतित होस् भनेर शुभकामना व्यक्त गर्दै नेपालमा वर्गिय आन्दोलनको शुरुवात नै शिक्षकहरुबाट भएका कारण आजको उपलब्धिको प्रमुख हिस्सेदार शिक्षकहरु रहेको उल्लेख गरे । उनले शिक्षकहरुले शिक्षाको ज्योति छर्ने मात्र नभई समग्र सामाजिक आन्दोलनको निर्णाणयक भूमिका पनि शिक्षकहरुले खेल्ने गरेको कुरा उल्लेख गर्नुभएको थियो । साथै उिशाँले शिक्षकहरुले उठाएको मुद्दालाई समर्थन गर्दै संशोधन प्रस्ताव दर्ता गरेको जानकारी दिनुभयो ।
कार्यक्रममा विशिष्ट अतिथि एकीकृत अखिल नेपाल शिक्षक संगठनका इन्चार्ज भोला सापकोटाले शिक्षकहरुको आन्दोलन संपन्न भइनसकेको र सरकारलाई बेलाबेलामा घचघच्याउन शिक्षकहरुलाई अनुरोध गर्नुभएको थियो । उनले शिक्षकको अधिकार स्थापितका गर्नका लागि शिक्षक आन्दोलन निरन्तर हुनुपर्ने धारणा राख्नुभयो। उनले शिक्षकहरुको हक अधिकार स्थापीत गर्नका लागि शिक्षकहरुको संगठन एकताबद्ध हुनुपर्ने धारणा राखेका थिए ।
कार्यक्रममा सहभागीहरुले एकआपसमा बडादसैँको शुभकामना अदान प्रदान गरेका थिए । कार्यक्रममा बागमति प्रदेश सभा सदस्य रत्न ढकाल, खानीखोला गाउँपालिका प्रमुख इन्द्रबहादुर थिङ, दैवलाल घिसिङ् लगायत काभ्रे जिल्लाका विभिन्न विद्यालयका शिक्षकहरुको उपस्थिति रहेको थियो ।
