बनेप/पार्टी नेपाल कम्युनिस्ट पार्टी काभ्रे जिल्ला समितिले ३० औ महान् जनयुद्ध दिवसको अवसरमा शुभकामना आदान प्रदान तथा धुर्विकरण कार्यक्रम पार्टी पोलिट्ब्युरो सदस्य कमरेड कान्छाराम सीको प्रमुख अतिथ्यतामा र केन्द्रीय सदस्य एवम जिल्ला सेक्रेटरी कमरेड जित ब।सीको अध्यक्षतामा सम्पन्न भयो ।
कार्यक्रमका प्रमुख अतिथि कान्छाराम सीले ध्रुर्वीकरणमा जोडिनु भएका बनेपाका कम्युनिष्ट नेता डा।शिव श्रेष्ठ, चौरी देउराली गा।पा। –६ को तात्कालीन जनमोर्चा पार्टीबाट कमरेड गोबिन्द शीवभक्ति र खानिखोला –१ बाट युवा नेता कमरेड अजय लोप्चनलाई खादा र अविर लगाई स्वागत गर्नुभयो । प्रमुख अतिथि पिबिएम कान्छाराम सी ले शुभकामना दिने क्रममा विभिन्न राजनीति पार्टीहरुले समाजवादी धारलाई पन्छाएर प्रत्यक्ष राष्ट्रपति प्रणालीको मात्र वकालत गर्दै आएको छ यसले जनताको वास्तविक समस्याको हल गर्दैन । महान् जनयुद्धको क्रममा जीवनको आहुति दिने सहिदहरुको सपना, बलिदान संघर्षले नै सार्थक बनाउने भएकोले विप्लव नेतृत्वको पार्टीले मात्र पूरा गर्ने भएकोले सम्पुर्ण कम्युनिस्टहरु, देशलाई माया गर्ने देशभक्तहरु, श्रमिक जनताहरु नेकपाको झण्डामुनि गोलबद्ध हुन आव्हान गर्नुभयो ।
कार्यक्रमका अतिथिहरु केन्द्रीय सदस्य तथा जिल्ला इन्चार्ज कमरेड विन्दु सी, केन्द्रीय सल्लाहकार द्वय कमरेड दिपक जंगम सी, कमरेड सिध्दि ब। सी, केन्द्रीय प्रतिनिधि सदस्य कमरेड राजेन्द्र सी, कम्युनिस्ट नेता कमरेड संकर सी ले शुभकामना दिनुभएको थियो । महिला संगठनका जिल्ला संयोजक कमरेड बिमला सीले स्वागत मन्तव्य राख्नु भएको कार्यक्रमको संचालन केन्द्रीय प्रतिनिधि सदस्य कमरेड पुर्णमान सीले गर्नुभएको थियो ।
