काभ्रे । काभ्रेपलाञ्चोक जिल्ला बचत तथा ऋण सहकारी संघ लि.को २६ औं बार्षिक साधारण सभा शनिवार सम्पन्न भएको छ ।
प्रमुख अतिथि बागमती प्रदेश, संस्कृति, पर्यटन तथा सहकारी मन्त्रालयको रजिष्ट्रार राधाकृष्ण खतिवडाले कार्यक्रमलाई सम्वोधन गर्नुहुँदै सहकारीका योगदानहरु संस्थागत हुन नसक्दा अभियानका ऐजेन्डाहरु छायाँमा परेको बताउनुभयो । सहकारीको दिशा स्पष्ट हुँदाहुँदै पनि भ्रमित गर्ने कार्य भइरहेकाे भन्दै चासो व्यक्त गर्नुभयो । यस्ता भ्रम चिर्न र सहकारी अभियानलाई बलियो पार्न सहकारी संघ संस्थाहरुको सञ्जाल व्यवस्थापन अपरिहार्य रहेको उहाँले उल्लेख गर्नुभयो । उहाँले सहकारीको बचत सुरक्षा गर्न, अभियानलाई बचाउन स्थिर कोषको आवश्यकतासमेत औल्याउनु भयो ।
सहकारी क्षेत्रमा आएको समस्या राज्यलाई मात्र दोष दिएर सहकारी संचालक, अभियानकर्मीहरु पन्छिन नमिल्ने बताउनुभयो। बागमती प्रदेश रजिस्ट्रार खतिवडाले बचतकर्ताहरुको बचत, मुद्दति रकम सहकारीहरुले फिर्ता गर्ने योजना पेश गर्ने, संस्थाबाट लगेको ऋण तिर्न आनकानी गर्नेलाई कानुनी दायरामा ल्याउनुपर्ने अवस्था आइसकेको धारणा राख्नुभयो।
बागमती प्रदेश बचत तथा ऋण सहकारी संघ लि. का अध्यक्ष उद्दव सापकोटा, बागमती प्रदेश सहकारी संघ लि.का सञ्चालक सदस्य कृष्णप्रसाद तिमल्सिना, जिल्ला सहकारी संघ काभ्रेका अध्यक्ष दिलिप शर्मा लगायतका वक्ताहरुले सदस्यले संस्था र संस्थाले सदस्यलाई चिन्न नसक्दा हालको समस्या सिर्जना भएको बताउनुभयो । उहाँहरुले समस्यालाई अवसरको रुपमा लिई संघ संस्थालाई बलियो बनाउन सहकारी अभियान एकमत हुनुपर्ने बताउनुभयो ।
संघका अध्यक्ष उदयराम कायस्थको अध्यक्षतामा सम्पन्न सभामा उपाध्यक्ष सागरनाथ कपालीले स्वागत मन्तव्य राख्नु भयो । सचिव सुरेन्द्र पौडेलले प्रगती प्रतिवेदन र भाबी कार्य योजना प्रस्तुत गर्नु भयो। कोषाध्यक्ष जीवन श्रेष्ठले आर्थिक प्रतिबेदन र आगामी बर्षको बजेट प्रस्तुत गर्नुभयो। लेखा सुपरिवेक्षण समिति संयोजक शिव आचार्यले लेखा प्रतिबेदन प्रस्तुत गर्नु भयो। कार्यक्रमको सन्चालन सह-सचिब विकास बादेले गर्नुभयो । उपाध्यक्ष निर्मला श्रेष्ठले धन्यवाद ब्यक्त गर्नु भएको थियो।
२४१ सदस्यबाट शेयर पुँजि ८ करोड ३७ लाख ६३ हजार संकलन भएको छ ।
