काभ्रे । काभ्रेको पनौती नगरपालिका -११ बल्थलीमा ९० वर्षकी वृद्धा कान्छी थापाको हत्या भएको छ ।
छोराले धारिलो हतियार प्रहार गर्दा आमाको घटना स्थलमै मृत्यु भएको बताइयो । उनको धारिलो हतियार प्रहारबाट हत्या भएको इलाका प्रहरी कार्यालय बनेपाका प्रमुख रेशम बोहराले जानकारी दिए ।
बोहराका अनुसार हत्या आरोपमा उनका ५२ वर्षका छोरा विश्व थापा पक्राउ परेका छन् ।
विश्वमा मानसिक समस्या रहेको बुझिन आएको र घटनाबारे थप अनुसन्धान भइरहेको बोहराले बताए । मृतकको शवलाई पोष्टमार्टमका लागि धुलिखेल अस्पतालमा ल्याइएको छ भने हत्या गर्ने छोरालाई प्रहरीले नियन्त्रणमा लिएको छ । छोराले खुर्पा प्रहार गरेर आमाको हत्या गरेको बताइएको छ ।
