चौंरीदेउराली ।
चौंरीदेउराली गाउँपालिका–२ नाग्रेगर्चेमा वर्षाको कारण बिग्रिएको र करिब दुई महिनादेखि बन्द रहेको सडक माओवादी कार्यकर्ताको पहलमा मर्मत भएको छ।
नेकपा (माओवादी केन्द्र) चौंरीदेउराली–२ का वडा कमिटी सचिव देवराज लामाको नेतृत्वमा युवा संगठन वाईसिएलका सदस्य तथा पार्टी कमिटीका अन्य कार्यकर्ताले सडक मर्मत गरेका हुन्।
सडक अवरुद्ध हुँदा नाग्रेगर्चेका स्थानीयवासीलाई हिँडेरै आवतजावत गर्नुपर्ने बाध्यता परेको थियो। लामो समयदेखि समस्या रहे पनि वडाको ध्यान नपुगेको जनताको गुनासो रहेको छ।
स्थानीयले अब सडक खुल्दा आवतजावत सहज हुने अपेक्षा व्यक्त गरेका छन्।
