मदन आचार्य
भुम्लु/उद्यमशिल बचत तथा ऋण सहकारी संस्था लिमिटेड भुम्लु -१०, दोलालघाटको आयोजना र भुम्लु गाउँपालिकाको समन्वयमा अन्तर स्कुल हाजिरी जवाफ प्रतियोगिता सम्पन्न भएको छ । भुम्लु-५ सल्ले मानेडाँडामा रहेको सार्वजनिक आधारभुत विद्यालय भुम्लु गाउँपालिका १० वटा मा. वि स्कुलहरुको वीचमा हाजिरीजवाफ प्रतियोगिता भएको थियो ।
प्रतियोगितामा १० वटा मा.वि. का ३० जना विद्यार्थीहरुले भाग लिएका थिए। प्रतियोगितामा श्री सेतीदेवि मा.वि रिठ्ठे प्रथम, श्री अरुणोदय मा.वि.द्वितिय र श्री शारदा मा. वि तृतीय भएका थिए । प्रतियोगितामा सेती देवि मा. वि. काभ्रे सान्त्वना भएका थिए । भुम्लु गाउँपालिका अध्यक्ष प्रेमबहादुर भुजेलको प्रमुख आतिथ्यतामा र उद्यमशील बचत तथा ऋण सहकारी संस्था लि अध्यक्ष गोविन्द पराजुलीको सभापतित्वमा सञ्चालन भएको प्रतियोगितामा प्रथम हुनेलाई प्रमाण पत्र सहित नगद ४ हजार, द्वितिय हुनेलाई प्रमाणपत्र सहित नगद ३ हजार, तृतीय हुनेलाई प्रमाण पत्र सहित नगद १५ सय सान्त्वना हुनेलाई प्रमाणपत्र सहित नगद ९ सय पुरस्कृत गरेका थिए।
विद्यार्थीहरुको बौद्धिक बिकासका लागि सामान्य ज्ञान र पाठ्यक्रमका विषयमा विद्यार्थीहरुको क्षमता अभिवृद्धि गर्ने उदेश्यले हाजिरी जवाफ प्रतियोगिता आयोजना गरिएको थियो ।
