बनेपा / मञ्जुश्री फाउण्डेशनको आयोजनामा बनेपामा पहिलो पटक भ्वंत म्युजिक फेस्टिभल“ हुने भएको छ ।
फर्मस कर्पोरेशनको सहयोगमा आगामी भदौ १८ गते बनेपाको लायकुमा हुने म्युजिक फेस्टिभलमा स्थानीय म्युजिकल ब्याण्डसँगै राष्ट्रियस्तरका म्युजिकल ब्याण्डहरूको प्रस्तुति रहने आयोजकले जनाएको छ ।
उक्त फेस्टिभलमा युवाहरुको आकर्षणको केन्द्रविन्दु “द एड्ज ब्याण्ड“, “द अल्केमिस्ट“, “ए.एस.एम.“ र “फन्क फु“ लगायतका म्युजिकल ब्याण्डहरुको प्रस्तुति रहनेछ ।
बनेपामा आन्तरिक तथा बाह्य पर्यटकको आगमन बढाउने र बनेपाको कला संस्कृति चिनाउने उद्देश्यले आयोजना गर्न लागिएको फेस्टिभलमा करीब २ हजार श्रोताहरूको सहभागी रहने अपेक्षा लिएको आयोजकले बताए ।
स्थानीय क्षेत्रमा सामाजिक काममा अग्रसर गरिरहेका युवाहरूलाई उर्जा भर्न समेत सहयोग पुग्ने अपेक्षा लिएर गर्न लागिएको फेस्टिभलका लागि सहभागी हुन इच्छुकले टिकेट संसारबाट आफ्नो टिकेट बुकिङ्ग गर्न सक्नेछ ।
बनेपा म्युजिक फेस्टिभल आगामी भदौ १८ गते शनिवार दिउँसो १ बजेबाट सुरु हुने आयोजकले जनाएको छ ।
