धुलिखेल/उच्च अदालत पाटनका न्यायाधीस पुरुषोत्तम प्रसाद ढकालको नेतृत्वमा आएको निरिक्षण टोलीले जिल्ला अदालत काभ्रे र काभ्रे बार इकाइको निरिक्षण गरेको छ ।
वार्षिक कार्यतालिका अनुसार मंगलबारदेखि जिल्ला अदालतको निरिक्षणमा आउनुभएका न्यायधीश ढकालको टोलीले जिल्ला अदालत काभ्रेबाट भइरहेका विभिन्न गतिविधि र कार्यसंपादनका बारेमा जानकारी समेत लिनुभएको थियो । जिल्ला अदालतका न्यायाधीशहरुका साथै कानुन व्यवसायीहरुसँग अन्तर्क्रिया गर्नुभएको थियो।
आज काभ्रे बारमा भएको अन्तरक्रियामा न्यायाधीश ढकालले काभ्रे अदालतमा भएको न्याय संपादनका साथै कानुनी समस्या र चुनौतीका बारे जानकारी लिनुभएका थिए।
काभ्रे बार इकाइका अध्यक्ष विष्णु सापकोटाको अध्यक्षतामा काभ्रे बार इकाई भवनमा भएको अन्तरक्रिया कार्यक्रममा अदालतकाे गतिविधि, कार्यसंपादनमा देखिएको त्रुटि र कानुनी अड्चनका बारे कानुन व्यवसायीहरुले उच्च अदालत पाटनबाट न्यायाधीश ढकालको नेतृत्वमा आएको निरिक्षण टोलीलाई जानकारी गराएकाे काभ्रे बार इकाइ कोषाध्यक्ष नारायण ध्वज तामाङले बताए।
सयौको संख्यामा सदस्य रहेको काभ्रे बारको कार्यक्रममा जम्मा २४ जनाको मात्र उपस्थिति रहेकाे र काभ्रे बार इकाइका उपाध्यक्ष जयराम थापा, सचिव महेश कुँवर, सह-सचिव रमिता मानन्धर, सदस्यहरु हरिशरण बस्नेत, पुष्पराज थापा लगायत अनुपस्थित रहनुलाई अर्थपुर्ण रुपमा लिएका छन्।
