काभ्रेपलाञ्चोक/धुलिखेल नगरपालिकाको वडा नम्बर ७ स्थित सन्जिवनी नमुना माध्यमिक बिद्यालयका शिक्षक रमेश श्रेष्ठ विरुद्ध यौन दुव्र्यवहार गरेको आरोप सहित छात्राहरुले जिल्ला प्रहरी कार्यालयमा किटानी जाहेरी दर्ता भएको छ।
सन्जिवनी नमुना माध्यामिक बिद्यालयको कक्षा ६ र १० मा अध्ययनरत ६ जना छात्राहरुले आफुहरुमाथि शिक्षक श्रेष्ठले पटक पटक यौन दुव्र्यवहार गरेको भन्दै जिल्ला प्रहरी कार्यालय धुलिखेलमा जाहेरी दर्ता गरेको जिप्रका का सूचना अधिकारी ढुन्डिराज न्यौपानेले बताए।
श्रेष्ठले बारम्बार दुव्र्यवहार गर्ने गरेको र राती अश्लील म्यासेज पठाउने गरेको पीडितहरुको भनाई रहेको छ।
आरोपित शिक्षक २०५४ सालदेखि सन्जिवनी स्कुलमा कार्यरत थिए। एक छात्रा डराएर, रोईरहेको देखेपछि शिक्षिकाहरु सहित राखेर सोधपुछ गर्दा आफुमाथि यौन दुव्र्यवहार भएको पीडितले बताएको शिक्षक- अभिवाबक संगठनका अध्यक्ष महेन्द्र शाहीको बताए । उनले भने-” विद्यालयका प्रधानाध्यापकसहित राखेर सोध्दा शिक्षक श्रेष्ठले आफुले गल्ती गरेको स्वीकार गरेका थिए।” घटना बाहिर आएपछि आरोपित शिक्षकले बिद्यालयमा राजिनामा दिएका छन्।
पीडितहरुको जाहेरीपछि आवश्यक कार्वाही अघि बढाई सकिएको जिल्ला प्रहरी कार्यालय महिला सेल प्रमुख उमा के.सि.ले जानकारी दिनुभएको छ।
