काभ्रेपलाञ्चोक/इशा मेमोरियल स्कुल बनेपाको १९ औ बार्षिकोत्सव तथा अभिभावक दिवस कार्यक्रम आइतबार सम्पन्न भएको छ ।
प्रमुख अतिथि वरिष्ठ साहित्यकार मोहन दुवालले शिक्षाको सचेतना, गुणस्तर र व्यवहारिक सिकाई र नैतिकवान बनाउन सहयोग पुग्नु पर्ने बताए ।
विद्यालयका बारेमा जानकारी गराउँदै प्रवन्ध निर्देशक नारायण जोशीले समाजमा सकारात्मक सोच सहित फरकपन दिने उद्देश्यले प्रारम्भ गरिएको विद्यालयले समुदायमा पुर्याएको योगदानका बारेमा चर्चा गरेका थिए ।
कार्यक्रममा गीतकार तथा संगीतकार मच्छेश्वर सापकोटा, विद्यालयका सल्लाहकार डा.प्रशंशा जोशी, काभ्रे प्याब्सन, बनेपा प्याब्सनका पदाधिकारीहरुको सहभागिता रहेको थियो ।
विद्यालयका संस्थापक अध्यक्ष सुर्यप्रभा शाक्यको अध्यक्षतामा सम्पन्न कार्यक्रममा विद्यार्थीहरुलाई विभिन्न विद्यामा उत्कृष्ट भएको अवसरमा पुरस्कृत गरिएको थियो ।
