हेटौंडा/बागमती प्रदेशका मुख्यमन्त्री शालिकराम जमकट्टेलले नेपालको शिक्षालाई आमुल परिवर्तन गर्न ४ बुँदे सुझाव सामाजिक सञ्जालमा सार्वजनिक गर्नुभएको छ। उहाँले आज सामाजिक सञ्जाल फेसबुकमा लेख्नुभएको छ -'नेपालको शिक्षा क्षेत्रलाई आमुल परिबर्तन गर्न निम्न कार्ययोजना तयार गरी तिन तहको सरकारको सहकार्यमा कार्यान्वयन गरौं भन्ने मेरो सुझाव रहेको छ |
मुख्यमन्त्री जमकट्टेलले लेख्नुभएको सुझावमा' ग्रामिण क्षेत्रमा रहेका माध्यामिक तहका विद्यालयहरूलाई गाभ्ने र आवासिय मोडेलमा लाने, सिटिइभिटीको नर्सिङ र ईन्जिनियरिङ सहितको पाठयक्रमलाई माध्यामिक तहको पाठयक्रम्मा अनिवार्य रूपमा समावे गर्ने, प्राविधिक शिक्षा तर्फको उच्च शिक्षा अध्ययन गर्न लिईने (कृषि, स्वास्थ्य र ईन्जिनिरिङ ) प्रवेश परिक्षा प्रणाली खारेज गर्ने, प्राविधिक शिक्षातर्फको उच्च शिक्षा (कृषि, नर्सिङ र डाक्टर र ईन्जिनियरिङ) अध्ययन गर्न लगाइएको कोटा प्रणाली खारेज गरी भौतिक संरचना, प्राविधिक क्षमता र मागको आधारमा पढाउने व्यवस्था गर्ने लगायत रहेका छन्।
