रोशी/बाढी र पहिरोको विपदमा परी रोशी गाउँपालिका - ३, सिखर आम्बोटेमा ३ जनाले ज्यान गुमाएका छन् । धेरै जनधनको क्षति पुगेको छ भने पशु चौपाया पनि पुरिएका छन् । रोशी गाउँपालिका -३ का वडाध्यक्ष धनजित लामा अनुसार स्थानीयहरुको सक्रियतामा घाईतेहरुको उद्दार र बेपत्ताहरुको खोजी कार्य गरिरहेको छ ।
रोशी गाउँपालिका वडा नं -३ स्थित् भट्टी पाखामा १२ गते १:०० बजे राती अविरल वर्षातको कारण २ घर पुरिंदा ८ परिवार सदस्य पुरिएकोमा ६ जनालाई सकुशल उद्दार गरिएको र २ जना बालबालिका ९ वर्षीय बालक रुपेश तुम्सिङ मगर र ४ वर्षीय बालिका दिपिका तुम्सिङ मगरलाई बचाउन नसकिएको ३ नं. वडा कार्यालयले जनाएको छ । यसैगरी सोही वडाको मजुवामा एक वृद्द महिला पुरिएकोमा स्थानीयले उद्दार गर्ने क्रममा बचाउन नसकिएको बताइयो। अस्थायी प्रहरी चौकी फलामेसाँघुका प्रहरीहरु समयमा संपर्कमा नआएको गुनासो वडाध्यक्ष लामाले गर्नुभयो। सुरक्षा निकायले बेवास्ता गर्दा उद्दार कार्य प्रभावित भएको बताए। सोही स्थानमा गाई-१, बाख्रा-३ र कुखुरा-३५ समेत पुरिएको बताइएको छ।
यस्तै रोशी गाउँपालिका- १ फलामेसाँघु बजार बगरमा परिणत भएको छ । यहाँका पीडितहरुलाई खान बस्न समस्या भएको बताइएको छ। स्थानीय पीडित रामशरण श्रेष्ठको अनुसार हेलिकप्टरबाट केही राहत आएको भएपनि वास्तविक पीडितकोमा पुगेको छैन। सडक सञ्जाल टुटेको कारण राहत सामग्री पुर्याउन गाह्रो भएको बताइयो।
दु: खद खबरले मरमित छ आज समय मा नै उदार भएन ।