बेथानचोक । बेथानचाेक गाउँपालिकाको १२अौ कार्यपालिका वैठक सम्पन्न भएको छ । गाउँपालिका अध्यक्ष भगवान अधिकारीको अध्यक्षतामा बैठक सम्पन्न भएको हाे ।
कार्यपालिका वैठकले गाउँपालिकामा चालू विभिन्न क्षेत्रका याेजनाकाे समीक्षा गर्नुका साथै विषयगत प्रगती विवरण माथि छलफल गरिएको थियोे ।
पालिका अध्यक्ष भगवान अधिकारीले सभामा उठेका विषयगत प्रश्नकाे जवाफ दिनु भएको थियोे । सभालाई सम्बाेधन गर्दै अध्यक्ष अधिकारीले निर्वाचनको बेला जनतालाई गरेको वाचा सडक कालाेपत्रे सुरु भईसकेकाे जानकारी गराउनु भयाे । अध्यक्ष अधिकारीले , पर्यटकीय स्थल बेथानचाेक नारायणस्थान (३०१८ मिटर अग्लाे) केबलकार संचालन र सुरुङ मार्गकाे सम्भाव्यता अध्यायन कार्यदल गठन सम्बन्धी कार्य अगाडि बढेकाे बैठकमा जानकारी गराउनु भएको थियो ।
बेथानचाेक गाउँपालिकामा चालू भएर राेकिएका वडा स्तरका याेजनाहरु माथिकाे संशोधन पेस हुनुकाे साथै त्यस उपर पनि छलफल भएको प्रशासन अधिकृत विश्वनाथ दाहालले जानकारी दिनुभयो । गाउँ कार्यपालिका अन्तर्गत विषयगत समितिहरुको प्रभावकारी कार्य सम्पादनको अनुगमन र निरीक्षण गर्ने कार्यपालिका वैठकमा स्वीकृतिका लागि पेश गर्ने निर्णय गरिएको थियो ।
१२ औं कार्यपालिका बेैठकमा गाँउसभाका सदस्यहरुबाट सुझाव संकलन गरिएको छ। कार्यपालिका सदस्यहरुले सामाजिक सुरक्षा, पञ्जिकरण, कृषिकाे अबस्था, शिक्षा, स्वास्थ, खानेपानी र पशुपालनका समग्र विषयमा सुझाव प्रस्तुत गरेका थिए ।
यस्तै गाउपालिकाकाे सहकार्यमा संचालन भईरहेकाे नेपाल स्वस्थ्यकाे लागि पानी (नेवा) एक घर ,एक धारा कार्यक्रमले निरन्तरता पाउने र पालिकामा विद्यमान खानेपानी समस्या समाधानमा सहयोग पुग्ने अध्यक्ष अधिकारीले विश्वास व्यक्त गर्नु भएको छ।
