उषा लामा
११ वैशाख, काठमाडौं । वैशाख ३० गते हुने स्थानीय तह निर्वाचनका लागि सत्तारुढ पाँच दलबीच काभ्रेमा बागबन्डा मिलेको छ ।
नेपाली कांग्रेसको बागमती प्रदेश सभापति ईन्दबहादुर बानियाँ, नेकपा माओवादी केन्द्र बागमती प्रदेश अध्यक्ष सरल सहयात्री र नेकपा एकीकृत समाजवादीका प्रदेश इन्चार्ज केदार न्यौपानेले सहमतिपत्रमा हस्ताक्षर गरेका छन् ।सहमति अनुसार कांग्रेसले ४ नगरपालिका र ३ गाउँपालिका नेतृत्व लिनेछ । जसमा बनेपा नगरपालिका, पनौती, नमोबुद्व, पाँचखाल नगरपालिका र तेमाल, रोशी र बेथान चोक गाउँपालिका रहेको छ ।
यस्तै नेकपा एकीकृत समाजवादी समाजवादीले धुलिखेल र मण्डनदेउपुर नगरपालिकाको नेतृत्व लिनेछ । साथै जिल्ला समन्वय समितिको नेतृत्व पनि नेकपा एकीकृत समाजवादीले गर्ने सहमति भएको छ । नेकपा माओवादी केन्द्रले भने ४ गाउँपालिकाको नेतृत्व पाउनेछ जसमा चौँरीदेउराली, भुम्लु, खानीखोला र महाभारत गाउँपालिका रहेका छन् ।माओवादी केन्द्रका केन्द्रीय सदस्य रुकु चौलागाईंका अनुसार अब गठबन्धनमा रहेका दलहरु उम्मेदवार चयनमा जुट्नेछन् । उनले भने, ‘भागबन्डा मिलेको छ । अब उम्मेदवार तय गरेर भोलि उम्मेदवारी दर्ता गर्नेछौं ।
