भुम्लु/भुम्लु गाउँपालिका वडा न.२ गुफा डाँडामा रहेको बाल उन्नति प्रा.वि.को सबै विद्यार्थीहरुलाई न्यानो कपडा(ट्र्याक सुट), कापीकलम लगायत शैक्षिक सामग्रीहरु वितरण गरिएको छ।
कार्यक्रममा भुम्लु गाउँपालिका अध्यक्ष प्रेमबहादुर भुजेलले विद्यार्थीहरुलाई शैक्षिक सामाग्री हस्तान्तरण गर्नुभएको थियो। युवा समाजसेवी तथा सहयोगी नेकपा(माओवादी केन्द्र) भुम्लु पार्टी कमिटीका सदस्य सहदेव के.सी.ले न्यानो कपडा तथा शैक्षिक सामाग्री सहयोग गरेका थिए ।
हस्तान्तरण कार्यक्रममा नेकपा माओवादी जिल्ला कमिटी सदस्य नम्रता लामा, सन्जय लामा, भुम्लु सामुदायिक बिधालय महासंघका अध्यक्ष क्रान्ति लामा, समाजसेवी तथा नेता रामबहादुर थापा, समाजसेवी सानुराज गिरी, निशान उप्रेती विद्यालयका शिक्षक तथा अभिभावकहरुको उपस्थिति रहेको थियोे यो विद्यालयमा सबैभन्दा धेरै बालबालिकाहरु सिमान्तकृत पहरी समुदायको बालबालिकाहरु पढ्ने गरेको छ । अहिलेसम्म कुनै संघ-संस्थाले सहयोग नगरेको अभिभावकहरुको गुनासो छ ।
