बनेपा/काभ्रे जिल्लामा ४ वडामा मत गणना सम्पन्न भएको छ। मत परिणाम अनुसार नेपाली काग्रेस -२ र माओवादी केन्द्र -२ विजय भएको छ। बेथानचाेक गाउँपालिका-१ मा नेपाली काँग्रेसका मधुसुदन तिमल्सिना र धुलिखेल नगरपालिका वडा नम्बर १ मा नेपाली कांग्रेसका सन्त बहादुर लामा बिजयी हुनु भएका हुन् । मधुसुदन तिमल्सिनाले ५ सय ७ मत प्राप्त गर्दा डण्ड प्रसाद तिमल्सिनाले ४ सय ९८ मत ल्याएका छन् । धुलिखेल १ मा वडा अध्यक्षमा सन्तबहादुरले ५७३ मत पाउनु भएको छ । सुर्यका उम्मेद्ववारले ४६७ मत प्राप्त गर्नुभएको छ ।
काभ्रेमा माओबादी केन्द्रले पनि विजयी सुरुवात गरेको छ ।महाभारत गाउँपालिका वडा नम्बर १ को अध्यक्षमा नेकपा माओवादी केन्द्रको तर्फबाट कान्छामान जिम्बा (रोहित ) को प्यानल सहित अत्याधिक बहुमतले विजयी भएको हो ।जिम्वाले ७ सय २०, कांग्रेसका ताराबहादुर रानामगरले ३ सय २१ र एमालेका सुविदार श्रेष्ठले २२ मत प्राप्त गरेकाछन ।
भुम्लु गाउँपालिका वडा नम्बर १ सापिङमा नेकपा माओबादि केन्द्रका लेखनाथ श्रेष्ठ ९ सय ९४ मत ल्याई प्यानल नै विजयी भएका छन्।
