बनेपा/बनेपाका वरिष्ठ संस्कृतिविद् ज्ञानकाजी मानन्धरको असामयिक निधन भएको छ।
वि.सं. १९९१ पुस महिनामा बनेपास्थित वांख्योटोलमा पिता मोहनलाल खिं मानन्धर र माता लक्ष्मीमायाका कान्छा छोराका रुपमा जन्मनु भएका ज्ञानकाजी मानन्धर आज राति निधन भएको हो।
आजाद मा.वि., चैतन्य मा.वि.बनेपा लगायत विभिन्न विध्यालयमा ३८ वर्ष शिक्षणसेवा गरिसकेका मानन्धर धेरैजसो बनेपाली हस्तीहरुका गुरु पनि हुन् ।काभ्रे जिल्लामा अङ्ग्रेजी बिषयमा पहिलो बि एड गर्ने ब्यक्ति तथा बनेपाका इतिहासका पिता समेत ज्ञानकाजी मानन्धरलाई चिनिँदै आएका थिए ।
लामो समयदेखि शिक्षा, साहित्य र संस्कृतिको क्षेत्रमा कलम चलाउँदै आएका मानन्धरको व्यक्तित्व र कृतित्व चिनाउने धेरै खोजमूलक लेखहरू र पुस्तकहरु प्रकाशन छन् ।
उनी केही समय अघि देखि बिरामी भएको र उपचार गराइरहेका थिए । उनको निधनले काभ्रेको माटोमा साहित्य र संस्कृतिको क्षेत्रमा अपूरणीय क्षति पुगेको छ ।
लामो समयदेखि शिक्षा, साहित्य र संस्कृतिको क्षेत्रमा कलम चलाउँदै आएका मानन्धरको निधनले मुलुकलाई अपुरणीय क्षति पुगेको छ।
