काभ्रे/नेकपा(एकीकृत समाजवादी) काभ्रे जिल्ला कमिटीका अध्यक्ष तथा बागमती प्रदेशको कृषि तथा पशुपंन्छी बिकास मन्त्री बसुन्धरा हुमागाईले फेसबुकमा स्टाटस् लेखेर सबैलाई धन्यवाद ज्ञापन गर्नुभएको छ ।
स्टाटस्मा भनिएको छ–मन्त्रालयको ३९० दिनको कार्यकाल सम्पन्न गरि बिदाइको क्षणमा, अबसर दिने मेरो पार्टी र अध्यक्ष क.माधबकुमार नेपाल, माननीय मुख्यमन्त्री राजेन्द्रप्रसाद पाण्डे, माननीय राज्यमन्त्री इन्द्रमाया गुरुङ प्रदेश सचिव डा.शरण कुमार पाण्डेसहित उहाँको कर्मचारी टिम, अन्तर मन्त्रालय मन्त्री तथा सचिब सहित कर्मचारी मित्रहरु माननीय सदस्य, आमसञ्चार माध्यमका पत्रकार मित्रहरू, यस अबधिमा मेरो सचिवालय सुरक्षा टिममा बसेर सहयोग गर्नु हुने साथीहरु, मलाई माया गरेर साथ दिनुहुने सम्पुर्ण मित्रहरु मलाई अमूल्य मत दिएर प्रदेश सभा सदस्य निर्वाचित गराउनु हुने सम्पुर्ण मतदाता, समर्थक शुभचिन्तक सबैमा हार्दिक धन्यवाद आभार ब्यक्त गर्दछु ।
आइतबार बाग्मति प्रदेशका मुख्यमन्त्री र मन्त्रीहरुलाई बिदाई कार्यक्रमको आयोजना गरिएको थियो । यसैगरी कृषि तथा पशुपन्छी मन्त्रालयले पनि बिदाई कार्यक्रमको आयोजना गरेको थियो । कार्यक्रममा प्रदेश सचिव डा.शरण कुमार पाण्डेसहित उहाँको कर्मचारी टिमले खादा र मायाको चिनो प्रदान गरी सामुहिक तस्वीर खिचाएका थिए ।
