बनेपा । जिल्ला समन्वय समिति काभ्रे र काभ्रे सेवा समाजकाे संयुक्त आयाेजनामा शान्ति पदयात्रा हुने भएको छ। काभ्रे जिल्लाकाे पर्यटन प्रवर्दन गर्ने र मानव - मानव बीच शान्ति कायम गरि समृद्धि र एकताको शक्ति निर्माण गर्ने उदेश्यले शान्ति पदयात्रा गर्न लागिएको आयाेजकले जानकारी दिएको छ।
विश्व शान्ति दिवसकाे अवसर पारेर आगामी असाेज ६ गते काभ्रेको ऐतिहासिक नगरी पनौतीदेखि धार्मिक तथा पर्यटकीय नगरी नमाेबुद्दसम्म एकदिवसीय विश्व सांस्कृतिक शान्ति पदयात्रा गरिने आज एक छलफल तथा अन्तरक्रिया कार्यक्रम मार्फत जानकारी दिएको हो ।
पदयात्रा कार्यक्रममा काभ्रेका विभिन्न साझेदार संस्थाकाे सहकार्य रहने छ। उक्त कार्यक्रमलाई सफल पार्न जिल्लाका सरकारी निकाय, पर्यटन तथा उड्डयन मन्त्रालय ,नेपाल पर्यटन बाेर्ड, जिल्ला समन्वय समिति, जिल्लाका नगरपालिकाहरु, नेपाल जेसिस, नेपाल हाेटेल संघ, लायन्स क्लव, उद्याेग बाणिज्य संघ र नेपाल पत्रकार महासंघ काभ्रे शाखा लगायत थुुप्रै संघ संस्थाकाे सहभागिता रहने जनाईएकाे छ ।
आयाेजक संस्थाकाे तर्फबाट कार्यक्रमकाे उद्देश्यबारे बाेल्दै जिल्ला समन्वय समिति काभ्रेका प्रमुख दिपक कुमार गौतमले "विश्व भर शान्ति र सद्भाव फैलाउन र जिल्लाकाे आन्तरिक र बाह्य पर्यटन प्रवर्दनमा सहयाेग पुग्ने बताउदै जिल्लाका स्थानीय कला ,संस्कृति, धर्म संस्कार, मठमन्दिर, व्यापार व्यवसायमा पनि टेवा पुग्नुका साथै आर्थिक क्षेत्रमा पुँजी बिस्तार गर्न वातावरण अनुकुल हुने विश्वास व्यक्त गर्नु भएको छ।
काभ्रे जिल्ला ग्रेटर उपत्यकाकाे रुपमा विकसित हुँदै गएको तर्फ संकेत गर्दै उहाँले आगामी दिनमा काठमाडौ पछिकाे वैकल्पिक राजधानी काभ्रे रहेको जिकिर गर्नुभयो । हामीले यहाँकाे प्राकृतिक ,सांस्कृतिक सम्पदाकाे पहिचान गर्न नसकेकाे स्विकार गर्दै काभ्रेलाई देश विदेशमा चिनाउन शान्ति पदयात्रा गर्न जरुरी भएको उहाँको भनाइ थियो ।
कार्यक्रममा काभ्रे सेवा समाजका अध्यक्ष प्रल्हाद के.सी.ले साे कार्यक्रम सफल पार्न सबै क्षेत्रकाे सहयोग आवश्यक रहेको भन्दै सराेकारवाला पक्षलाई सहयोगी भुमिका निर्वाह गर्न आग्रह गर्नु भएको थियो ।
शान्ति पदयात्रा सम्वन्धमा अन्तरक्रिया कार्यक्रममा विभिन्न क्षेत्रमा आबद्ध व्यक्ति तथा संघ संस्थाका प्रतिनिधिले आ-आफ्नो तर्फबाट सुझाव दिनुभएको थियो ।
