बनेपा/काभ्रेपलाञ्चोकको बनेपा नगरपालिकाको वडा नं. - ८ को आयोजनामा भएको ‘चौथो मेयर कप अन्तर वडास्तरीय फुटबल प्रतियोगिता-२०८०’ उपाधि वडा नं. - ९ ले हात पारेको छ।
शनिबार भएको फाइनल खेलमा वडा नं.- ८ लाई २-१ गोलले पराजीत गर्दै वडा नं.-९ बिजयी बनेको हो । प्रतियोगिता बिजेताले रू. १ लाख नगद, सिल्ड, प्रमाणपत्र र मेडल तथा उपविजेताले ५० हजार रुपैयाँ नगद, सिल्ड, प्रमाणपत्र र मेडल प्राप्त गरेका छन् ।
प्रतियोगिताका बिजयीहरुलाई नगरपालिकाका प्रमुख शान्तिरत्न शाक्य, उपप्रमुख बिमला सापकोटा र नगरका प्रमुख प्रशासकीय अधिकृत भोलाप्रसाद चापागाईं, वडा अध्यक्षहरु लगायत व्यक्तित्वहरुले सामुहिक रुपमा प्रदान गरेका थिए ।
कार्यक्रममा नगर प्रमुख शाक्यले बनेपा नगरले खेलकुदलाई विशेष प्राथमिकता दिएको बताउँदै टेबुल टेनिस प्रतियोगिता र उपमेयर कप प्रतियोगिता पनि अब निकट भविष्यमै आयोजना गरिने जानकारी दिनुभयो। कार्यक्रममा उपमेयर बिमला सापकोटा र प्रमुख प्रशासकीय अधिकृत भोलाप्रसाद चापागाईंले विजयी खेलाडीहरुलाई बधाई दिँदै अनुशासन खेलाडीको गहना भएको बताउनुभयो।
बनेपा वडा नम्बर -८ को संयोजनमा फागुन १८ गतेदेखि मेयर कप सुरु भएको थियो । प्रतियोगितामा १४ वटै वडाका टीमहरुले सहभागिता जनाएका थिए ।फाईनल खेल मेयर वडा अध्यक्ष लगाएत हजारौ दर्शकहरुपनि हेरेका थिए ।
