दाेलालघाट/भूम्लुमा गठबन्धनको घोषणा पत्र सार्वजनिक भएको छ। नेपाली कांग्रेस, नेकपा एमाले र नेकपा एकीकृत समाजबादीले संयुक्त रुपमा घोषणा पत्र सार्वजनिक गरेका छन्। घोषणा पत्रमा अध्यक्ष र उपाध्यक्ष दुबैजनाले स्थानीय तहमा गर्ने काम र प्राथमिकतामा प्रतिबद्धता ब्यक्त गर्नु भएको छ।
भूम्लु गाउँपालिका समाजबाद उन्मुख आर्थिक बिकास र सामाजिक न्यायको पक्षमा लम्कने बताईएको छ। १० वटै वडा बिशेष पहिचानयुक्त वडा हुने छ। नीतिगत कार्यक्रम अन्तर्गत शिक्षा, स्वास्थ्य, भौतिक पूर्वाधार, सडक, भवन, खानेपानी, सिंचाइ, विधुत संचारलाई प्राथमिकतामा राखिएको छ।
कृषि, सहकारी, वन वातावरण, उधोग सांस्कृतिक सम्पदाको संरक्षण गर्ने गराउने, पर्यटन र पर्यावरण तथा खेलकुदलाई तिब्र गतिमा अघि बढाउन सहयोग गर्ने गराउने।
भूम्लुको ७ र ८ वडा लालपुर्जा विहिन भएकोले भूमिसम्बन्धि ऐन निर्माण गरि लालपुर्जा वितरण कार्य पुरा गरिने छ। युवा बेरोजगारी न्युनिकरण गर्ने र साना मझौला उद्योग ब्यबसाय संचालन गर्ने, सामाजिक कार्यमै युवालाई प्रोत्साहन गर्ने उद्देश्यले कार्यक्रमहरु ल्याईने छ।
